Entzun Irratia Zuzenean
Lehio berrian

Goiz berri

Astelehenetik ostiralera, goizeko 7 orenetarik 9-etarat, Goiz Berri saioak aktualitatea hurbiletik segitzea proposatzen dautzue.

Egun guziz gomita ezberdinak, erredakzio taldearen berri sail nagusiak eta erreportaiak, Maiana Mendiburu-ren atal berezia 8ak 5 guttitan, eta laguntzaileen aipaldiak, hara nola liburu irakurketa, euskarazko internet guneen aurkezpena eta hegoaldeko berri hautatuen laburpena.

Gainera, astearte eta ostiraletan, Pello Zabala aro ikertzaleak bere iragarpenak proposatzen dizkigu.
Ahantzi gabe jokoak 9ak 5 guttitan, bi aste guziz, apairu goxoak irabazteko.

"Aztertu nahiko nuke, gaur egun ameriketan bizi diren euskaldunek, euskal diasporako kideek nola bizi dituzten euskal herriari buruzko informazioak.."

Jon Bilbao Katedra edo diru laguntza irabazi berri du Eneko Bidegain, Mondragon Unibertsitateko Humanitate eta Hezkuntza Zientzien Fakultateko ikertzaileak. Horri esker, AEBetako Nevadako unibertsitatera joanen da diasporako kideek Euskal Herriari buruz informatzeko erabiltzen dituzten moduak aztertzeko.

Azken eguneratzea hemen: Asteazkena, 2021(e)ko maiatzak 12
 

Mixel Berhoirigoinen heriotzak, lekukotasun gehio utzi dizkigu

Jean Mixel Bicain Gamarteko auzapezak oroitarazi digu, nola Mixel Berhoirigoin-ek berehala baikorki erantzun zuen duela 2 urte Lakarra Ainiza Monjolose eta Gamarte herrien artean muntatu duten Hiru Zitxun ikusgarrian parte hartzeko.

Panpi St Marie: ELB sindikatuko bozeremaileak gogoratu digu Laborantxa munduari ekarri diona

Peio Iralour, Mixelen adixkide mina izan da, borroka anitzetan bide laguna, bereziki gaztaroan Euskaldun Gazterian edo ELB sindikatuaren sortzeko urratsetan elkarrekin arizan baitira. Militante izaera nundik heldu zitzaion erran digu.

Anaiz Funosas Bake bidea: EH ko bake prozesua aintzinarazteko eman zituen urratsetaz.

Joan den larunbatean txaloak Mendi tontorretan Mixel-en omenez. Euskal presoen alde eman engaiamenduak hala merezi zuela erran digu Anais Funosas-ek.

 

Mixel Berhokoirigoin, laborari, euskalzale, abertzale eta bakegilea zendu da

Mixel Berhokoirigoin, laborari, euskalzale, abertzale eta bakegilea pausatu da ostiraletik larunbaterako gauean 68 urtetan eritasunak eremanik. Militante nekazezina, ainitz eman du EH-arentzat.Laborantxan lehenik, ELB sindikatua sortuz, eta EHLG-a ondotik. Batera plataforman ere, Ipar EH-ko instituzio baten alde.Bere azken urteetako borroka haundia izan da Bake Bidearekin, eta Bakegileekin, EH-ko bake prozesua aintzinarazteko. Bakegileak , Ipar Euskal Herriko gizarte zibileko ekintzailez eta sindikalistaz osatutako taldearen bultzatzaileetarikoa izan zen .Bitartekaritza lanak egin zituen, Espainiako eta Frantziako Gobernuekin bai eta ere nazioarteko kargudun haundienekin.

 
 Mixel Berhokoirigoinen heriotzak samina eragin du euskal politikagintzan:
Jean René Etchagaray
Jean Rene Etchegaray Euskal elkargo lehendakariak ere Mixel hurbiletik ezagutu du, bere abokata izan bazen EHLG ganbarako epaiketan azken urteetan bake prozesuko desmartxa ezberdinetan elkarrekin ibili dira. Jean Rene Etchegaray: 
                         

Arnaldo Otegi 
Arnaldo Otegi EH Bilduko bozeramaileak Mixel Berrokoirigoienek EH arentzat egin duen guztiarentzat eskerrak eman dizkio Arnaldo Otegi : 

 
 
Anita Lopepe 
Anita Lopepe EHBAI alderdiko bozeramaileak Mixel Berhokoirigoinek egin lana handia izan dela oroit arazi du : 

 
 
Peio Etxeleku 
Peio Etxeleku EAJ ko hautetsiak Mixelek herriarentzat egin lana oroit arazi du baina bere lehen hitzak bere hurbilekoentzat izan dira: 

 
Azken eguneratzea hemen: Astelehena, 2021(e)ko maiatzak 10
   

"Aurten 30 herri urrats txiki antolatzea erabaki dugu"

Bigarren urtez segidan, Herri Urrats ikastolen besta erraldoia ezeztatua izan da. Eta bestaz gain, maiatzeko bigarren igandean iragaiten dena, euskararen hitz ordua nagusia izan oi da. Aurten haatik, Osasun neurriak direla eta, beste manera batez ospatuko da. 30 ikastolak ekitaldi xume bat antolatua dute, bakoitza bere eremuan. Seaskako presidente den Peio Jorakuria, Olatz Idoaterekin dugu 

 

“Talde bikaina osatzen dute beraz talde gisa erantzun beharko dugu”

Pilotan, berezkoek finala handia heldu den Igande goizean jokatuko da Baionako Modernoan. Beste kiroletan bezala, binakako xapelketak ere aski bitxiak izan dira aurten, publikorik gabe, baina ondarrean, Larralde anaiak eta Intxauspe-Gixandut heldu dira finalera. Azken hauek gainera, finalerdirik jokatu gabe. Peio Larralde eta Alexis Intxauspe, bi aintzinekoak, biak ere Hazpandarrak, gurekin izan ditugu Goiz Berri saioan

Lehen mailako finala, igandean goizeko 11.00etan jokatuko da eta beti bezala ZUZENEAN segitzen ahalko duzue Euskal Irratietan.
Bigarren mailako finala haatik, atsaldez jokatuko da, 16.30tan
BIELLE-IPHAR / NIANG-HARISMENDI
   

Nabigazioa orrika