Joan den Apirilaren 14an, Baigorriko kulturaldiaren barnean, Jean Louis 'Popo' Larre Iparretarrak (IK) taldeko kidearen desagerpenari buruzko gaualdia antolatu zuten. "Bolante baten historia" dokumentalaren proiekzioaren ondotik, mintzaldia eskaini zuten Pantzo Irigaray Poporen lagunak, Bixoko antzerki kideak, Ttotte Larre Poporen anaiak, Betti Bidartek haren engaiamendu politikoaz, Terexa Mitxelenak Leoneko gertakariaz eta auziaz, eta azkenik Filipe Bidartek eta Filipe Lascarayk haren desagertzeaz.