Entzun Irratia Zuzenean
Lehio berrian

SAKONEAN | Korsikako nazio askapen mugimendua

Sakonean

2022-
05-
04

Hilabete iragan da Yvann Colonna FLNC Korsikako Nazio Askapen Fronteko militante eta preso politikoak bizia galdu zuela Marseillako presondegian. Kolpez lozorroan zirudien herri bat, karriketara atera zen masiboki.

Euskal Herrian anitz entzun dugu Korsikaz, baina haatik, zaila egiten zaigu gure perspektibatik hango testuingurua ulertzea. Zein izan da Korsikako nazio askapen mugimenduaren sorrera? Zein bere garapena? Zeintzuk bere ezaugarriak?

Galdera horiei ihardesten ahaleginduko gira Sakonean emankizunaren hirugarren alean. Horretarako Korsikan bizi den Joritz Larraza historialari urruñarrarengana jo dugu. Indarkeria politikoak Korsikan zein bilakaera ukan duen, zer ezaugarri dituen, eta mugimendu abertzalearen baitan zein zatiketa izan diren aztertuko ditugu. Era berean, klanismoaren fenomenoaz arituko gira.
Bururatzeko, Yvan Colonnaren heriotzaren harira sortu mobilizazioen berri emanen digu Oihana Teyseyre Berriako kazetariak.

Kantuak: Chjami Aghjalesi taldearen Guerrieri eta L'Arcusgi taldearen Lotta ghjuventu.

   

ADI musika emankizuna Panpi Mercapiderekin.(22-05-04)

Goiz berri

2022-
05-
04

Crudo Bilbao, Xatiro, Des-Kontrol, Huts, Marcia Higelin, Wema, Startijenn, Dombrance, The Smile, Burning Heads, Introtyl, Miseration

   

Entzulearen iritzia: iñaki Berhokoirigoin (22-05-03)

Goiz berri

2022-
05-
03

Entzulearen iritzia: Iñaki Berhokoirigoin (22-05-03)

   

"Maddiren trajeria" Xaretako pastorala

Goiz berri

2022-
05-
03

Lehen aldiko Zugarramurdi, Urdazubi, Ainhoa eta Sarak osatzen duten Xareta eskualdeak, Pastorala bat emanen du. Momentuan prestaketa lanetan ari gira, Maddiren Trajedia deitzen da, eta urriaren 15 eta 16ean Zugarramurdin emaiteko asmoa dute. Berriki aurkeztu dute Zugarramurdin berean eta horren aipatzeko gurekin dugu, antolatzaileetariko bat Eukene Xurio 

   

Hauteskundeak: LR alderdiko hautagai berri bat 6.bozka eremuan

Azken berri sailak

2022-
05-
03

Fabrice-Sébastien Bach, eskuineko hautagaitza berria 6.bozka eremuan…Hauteskunde legegileak hurbildu arau, hautagaiak agertzen hasiak dira. Aldi huntan « Les Républicains » alderdiko Miarritzeko axuanta saiatuko da Vincent Bru-ren lekua hartzen. Marga Forestier:

   

Dena prest dute Senperen igandean Herri Urratsen "Itzulera" egiteko

Goiz berri

2022-
05-
02

Igande huntan iraganen da berriz ere Herri Urrats, euskararen aldeko besta haundia Senpereko aintziraren inguruan. 39. Edizioa. Aurten ITZULERA lema hautatu dute antolatzaileek, orroitarazteko 2 urtez ezin izan dela antolatu, pandemia zela eta, eta ondorioz, aurten berriz itzultzen dela arras beharrezkoa den mobilizazioa. Beñat Bidegain presidentea da goiz huntako gomita:

   

Peio Larralde eta Jon Saint Paul, Frantziako txapelketako txapeldunak

Goiz berri

2022-
05-
02

40 eta 38. Pilotan, berezkoetan, Frantziako txapelketako txapeldun Peio Larralde eta Jon Saint Paul. Finala atzo jokatu zuten, Baionako moderne trinketean, Mattin Oltzomendi eta Battitta Ducassouren aurka. Itsasuarrarek hastapenean partida galtzen zuten, Ducassou eta ondotik Larralde entzuten ditugu.

Partidaren lehen zatia bukatzean, Peio Larraldek kolpe handi bat bildu zuen paretaren kontra joanez, hala ere, bere 6. txapela jantzi du.

 

   

Nafarroaren eguna 2022

Goiz berri

2022-
05-
02

Nafarroaren eguna ospatu da joanden larunbatean Baigorrin. Bazuen bi urte ez zela ospatu; eta aurten gainera egun aldaketa ere, larunbatez ere egin baita usaian igandean egiten delarik. Bainan aldaketa hauek ez dute jendea uzkurtu, eguna gozatzera eskualde guzitik hurbildu baita jendea goizetik. Eta egun ederra izan da baigorrin berriz ere, Jone :

Jakin baigorriko kulturaldiko azken hitz ordu bat gelditzen dela, baigorriko herriko etxean ikusgai den eleketa erakusketa, baigorri eta baleako 106 lekukotasunekin. Sartzea kitorik eta deneri idekia

   

“Berreskuratu behar da langileariaren mugimendu zabalaren memoria”

Goiz berri

2022-
05-
02

Antolatzaileen arabera, 2500 pertsonak desfilatu dute Baionako karriketan, atzo, maiatzaren leheneko mobilizazioan. Berriz ere, CFDT, CGT, FSU eta LAB sindikatuetaz gain, Bizi, Alda, Etorkinekin eta Eba bezalako eragile sozial desberdinek parte hartu dute, eta ondorioz, usaiako aldarrikapen sozialetaz gain, beste gizarte modelo bat ere erreibindikatua izan da. Olatz Idoate:

   

Bidasoa Attak! - EP berriak gurean

Bidasoa Attak

2022-
04-
29

Bidasoa Attak! 2022 04 28

 

Kaixo Attakzaleak!

 

Gaurkoan berriki iritsi zaizkigun hainbat EP, Single eta Maxi entzungo ditugu, esaterako ABSOLUTE ORDER?, LA REKBA, HELL DIVISION, KARPATOS, LA FE, OFICIALES PODRIDOS, CODIGO NEUROTICO edo BUZZCOCKS, amaiera apoteosikoa MOTORHEAD taldearekin emanik.

 

   

"Goi mailako neska ainitz galdu dituzte"

Goiz berri

2022-
04-
29

« Emazte Kirolak » argitan emango ditu Baionako Herriko Etxeak maiatzaren 15era arte luzatuko den programazioan. Horren kari heldu den larunbatean, Frantzia–Inglaterra emazte errugbi taldeen arteko partida ikusten ahalko da Jean Dauger zelaian.


Denbora berean ikusi nahi izan dugu zertan den ASB-ko Nesken taldea. Joan urte bukaereko krisiaren ondotik, ez da gehiago Elite 1 goi mailan ari. Maya Lespielle jokalariak utzi du taldea. Berekin mintzatu da Marga Forestier :

   

"Larralde-Saint Paul freskoago heltzen dira, baina Oltzomendi-Ducassou, txapelketan zinez sartuak dira”

Goiz berri

2022-
04-
29

Pilotan, esku huska trinketean, berezkoek binakako finala jokatuko dute igande huntan Baionako Mailharro trinketean, atsaldeko 15.15etatik goiti.

Formula labur bat hautatu zuten aurten antolatzaileek, eta bukaeran, lehen mailan, Larralde-Saint Paul eta Oltzomendi-Ducassou lehiatuko dira xapelarendako. Xabi Elgart Euskal Irratietako komentatzailea eta, xapelketa hurbiletik segitu du, Goiz berri saioko gomita izan da

   

“Penagarria da berriz ere erraitea, instituzioen borondate txarren aintzinean, guregain dela gure historia borrokatzea”

Goiz berri

2022-
04-
28

Gaurko iritzi tartean Joana Detxartek Hizkuntza guttituak aipatu ditu.

 

   

Sorkuntza eta berrikuntza enpresaren motore

Kaiolan

2022-
04-
28

Sortzaileak izan dira gure gomitak KaioLan emankizunean, apirilaren 27ko saio honetan.

Karaban'art eta Banaka-ko Nathalie Gonzalez; Haize Othondo-Battesti zeramika egilea, BASA bitxi egilea den Elodie Basagaistegi eta Dantzalai konpainiako Eneka Bordato. Hemen Elkartearekin antolatu saioa, Francis Carricart eta Kriztof Arotzarenak aurkezturik.

   

“Maiatzaren lehena borroka egun bat da, ez da besta egun bat”

Goiz berri

2022-
04-
28

Maiatzaren 1a, aurten igandez, langile eskubideen aldeko nazioarteko eguna. Mundu guzian markatzen den eguna, eta usaian bezala, Ipar Euskal Herrian 3 mobilizazio burutuko dira : Maulen, Hendaian eta Baionan.

Baionakoan, « Mundu justu, jasangarri eta solidario » baten aldeko leloa hautatu dute eta 8 eragilek parte hartuko dute : CGT, LAB, FSU, CFDT bai eta ALDA, Etorkinekin eta EBA. LAB sindikatuko Argitxu Dufau izan da Goiz Berri saioko gomita.

   

“Herri Elkargoan, Kanpoko PLU-aren modifikazioak onartu ziren, asumitu behar da”

Goiz berri

2022-
04-
27

Gaurkoan iritzi tartean Iker Etxeparek eman digu berea, Marienia ez Hunki mobilizazioaz aritu da.

   

Matriarkatuaz ikerketaren emaitza liburu batean

Goiz berri

2022-
04-
27

« Le Matriarcat Basque » ikertze liburu bat atera berri du Anne Marie Lagardek.

Parada, liburu eta aipamen horren barnatzeko harekin. Benat Larrory.

   

“Guttienez 6. hautesbarrutian irabaztea da gure helburua”

Goiz berri

2022-
04-
27

Ekainaren 12 eta 19an Frantziako legebiltzarreko bozetan, 577 diputatu hautatuko dituzte. Frantziako gobernuaren politika baldintzatuko dute hauteskunde horien emaitzek.

Ipar Euskal Herrian, EH Bai alderdiak asteartean aurkeztu zituen bere hiru hautagaiak, 4, 5 eta 6. hautesbarrutietan. 6.ean, Hego Lapurdin Peio Dufau izanen da, eta Goiz Berrin Olatz Idoateren gomita zen.

   

"Erronka horietaz ez bagara aski goiz jabetzen, arriskua eko-faxismoa izanen da"

Goiz berri

2022-
04-
26

Apirilaren 26 honetan, Historiari begira jarrita, Nikolas Goñi-k eman digu gaurkoan iritzia : « Burujabetzarako garaia ».

   

Euskal zinemagintza sustatzeko lanetan segitzen du Zukugailuak

Goiz berri

2022-
04-
26

Zukugailua kolektiboak, Irisarriko Ospitalean antolatu duen « Kirikoketa » idazketa erresidentzian 7 zinegilek parte hartu dute eta joanden ostiralean haien lana aurkeztu dute.


Itziar Leemans, zinegileak kondatu digu nola pasa den, Jone Barneix :

   

« Handienak handitzen dira asko eta besteak hiltzen dira pixkanaka »

Goiz berri

2022-
04-
26

Badu 22 urte Imanol Ugartemendia arrantzale dela Donibane-Ziburuko portuan. Hendaia eta Landesen arteko uretan arrantzan ari da. 100 tona arrantzatzen zituen garaian gaur egun 9 tona.


Bolintx edo inguraketa-sarearekin arrantzatzen du, hots eskuz eginiko arrantza. Harekin Frantziak inposatu kuotak, itsasoaren kutxadura edo hondasare pelagikoetaz mintzatu da Marga Forestier.

   

Bouygues-n proiektuaren kontrako indar erakustaldia Kanbon

Goiz berri

2022-
04-
25

Bouygues enpresak Kanbon, Marienia eremuan duen proiektua salatzeko ekitaldiak, jendea bildu zuen larunbat arratsaldean. CADE, Lurzaindia eta Nahi Dugun herria taldeak azpimarratu dute berriz ere proiektu hunen zentzugabekeria.


Marga Forestier han zen :

   

“Indar harreman bat sortu beharko da Macronen parean”

Goiz berri

2022-
04-
25

Emmanuel Macron izanen da heldu diren 5 urteetan berriz ere Frantziako presidente. Bigarren kargualdi bat eginen du Macronek, Marine Le Pen-en parean bozak ereman ondotik, bozen %58.55arekin, Le Penek %41.45 bildu du.

Izena eman zuten %38.5ek baizik ez du bozkatu, ehuneko apalena azken 53 urteetan. Goizeder Taberna Mediabask hedabideko kazetaria gurekin dugu, analisi baten egiteko.

   

Bidasoa Attak! - Euskal maketei buruzko atal berria

Bidasoa Attak

2022-
04-
22

Bidasoa Attak! 2022 04 21

Kaixo Attakzaleak!

 

Gure Euskal maketak diren artefaktu hoiei eskeiniko diet gaurko saioa, entzungaien artean UNDECIMO MANDAMIENTO, CRAV, EKINTZA, BORRASKA DE VINO, EXHIBICION DE ATROCIDAD, ESKANDALO PUBLIKU, EINBIGU, DISCIPULOS DE DIONISOS eta ULTIMA NEURONA ukanen ditugu.

   

Nabigazioa orrika

Publizitatea

 

Bidali iragarkia honako formularioa erabiliz

 

Azaldu proposamena gurekin harremanetan jarriz

 

Ikusi entzuleei buruz xehetasunak

 

 

informazioa gehiago

Euskalirratiak Twitterren

RSS Sindikazioa

Atom RSS
Euskalirratiak