Entzun Irratia Zuzenean
Lehio berrian

Frantziako Barne ministroak aste hastapen huntan eman ditu emazteen kontrako bortizkeriaz datu ofizialak

Goiz berri

2021-
08-
05

Iaz, 2020-an, 102 emazte hil ziren beren bikotekidearen bortizkerien ondorioz. Aurten, jadanik 70 emaztek bizia galdu dute. Indarkeria matxistaren kontrako neurriak hartu ditu Gérald Darmanin Barne ministroak. Nahikoak ote dira? Nolaz gaur egun oraino, emazteek bortizkeriak jasan behar dituzte? Gaiaz aritu dira Pantxika Arrambide eta Irati Urreizti, Itaia Emazte Sozialisten antolakundeko eta Brigada Ubelen kidea.

   

Lexantzuko Elgebarrena alkarteak ostegun arrats hontan zinema gaualdi bat antolatu zuen

Azken berri sailak

2021-
08-
05

Lexantzuko arrabotian berean. « Demons in Paradise » izeneko filma hedaturik date. Hor India hegoaldean den Sri Lanka islan 30 urte iraun dutien guduka aipaturik date. Baita bakearen eraikitzearen gorabeherak ere bai. Elgebarrena alkarteko Egoitz Urrutikoetxea :

 

   

Azkaine bai taldeak udatiarrek haien autoak nun nahi aparkatzen dituztela salatu du

Azken berri sailak

2021-
08-
05

Sare sozialetan zabaldutako bideo baten bidez. Egoera hau ez dela oraingo kontua ere azpimarratu dute eta berehalako aterabideak eskatu diztute, hala nola, aparkalekua eta nabeta zerbitzuaren proiektua lehen bai lehen gauzatzea.

   

Jacqueline Gourault, lurraldeen arteko kohesiorako Frantziako ministroa Angelun zen atzo

Azken berri sailak

2021-
08-
05

“Le clos d’Ainara” bizitegi sozial inklusiboen lehen harria pausatzerat etorri da, bizitegiko eragileek, lekuko 4 elkarte sozialek, Claude Olive auzapezak eta lekuko hautetsiek inguraturik. Elbarritasunak dituzten pertsonei egokitutako 15 bizitegiak, 2022ko maiatzean estreinatuko dira. Jakin, Patxama elkarteak, leku hortan ziren 2 etxeak eraitsi dituela, eta desmuntatu materialaren %80 berriz erabilia izan dela, beste proiektu batzuetarako.

   

Txertatzearen aldeko mezuaz gain, babes neurriak errespetatzen eta maska ezartzen segitu behar dela azkarki gomentatzen du Baionako ospitaleak

Azken berri sailak

2021-
08-
04

Xertatuer ere kontseilu horiek doazkie, kutxakorrak izan baititaizke. Laxatze bat senditzen dute alde hortarik. Asteazken huntan, 30 COVID eri badira Baionako ospitaleko zerbitzu guzietan. Horietarik 12 erreanimazioan. Eta 11 ez dira xertatuak. Diote ere, ez dela kasu larririk gertatu, xertatzeen ondorioz. Forma larriak xertatuak ez direnek dituztela pairatzen erran daukute. Xertatzeko gomendatzen diete haurdun diren emazte guzier, lehen hiruhilekotik landa. Eta ingurukoer, babes neurriak zorrozki errespetatzeko galdetzen diete. Inzidentzia tasa gora da Ipar Euskal Herrian, kostaldean bereziki. 490-tan da, 200-tan delarik Biarnoan. Turismoaren ondorioak partez hor direla ere erran du departamenduko ARS-ko buruak.

   

Egan 50+1 Hondarribian izanen da asteburu honetan

Azken berri sailak

2021-
08-
04

Egan taldea Hondarribin izanen da igande hontan. Taldearen 51. urtebetetzearen karietara, Egan taldean taldearen ibilbideko kantuekin osaturiko zuzenekoa izango dugu Hondarribiko Kasino Zaharrean igande hontan arratseko 19etan. Xabier Saldias taldeko kantariarekin mintzatu da Maia Muruaga.

   

ELB eta Lurzaindia Arbonako okupaziotik Parisera

Azken berri sailak

2021-
08-
04

ELB eta Lurzaindiako militanteek  urrats bat gehiago egin dute atzo, Arbonako etxaldearen salmenta salatzeko. Pariseraino joan dira, Etxaldea eta 15 hektara lurrak 3 milioi eta 200 mila eurotan erosten duen anderearen etxe aintzinea. Maryse Cachenaut Lurzaindiako presidentea juntatu du Pantxika Aranbidek.

   

Azkarateko gaztelua arraberrituko dute

Azken berri sailak

2021-
08-
04

2005an, Azkarateko herriko etxeak, herri zentroan den gaztelua eta inguruan dituen lurrak erosi zituen. Hainbat proiektu pentsatu eta gero, erabakia izan da herriko etxe berria han eraikitzea eta apartamenduen egitea. Orain arte herriko etxea eta ikastola ber eraikinean ziren. Herriko etxea mugitzearekin gaztelura buruz, tokia ikastolari gehitua izanen zaio. Laura Irigaraiek xehetasun gehiago eman dizkigu, Eztitxu Berhorekin izan da.


 

   

Kriaxera eta Rouen-Landais arrazetako 1600 ahate sano hil ditu Frantziako administrazioak

Azken berri sailak

2021-
08-
04

Astearte huntan, Bidaxuneko Couvoir de la Bidouze  etxaldean. ELB sindikatuak erabakia salatu du, oztoporik eman gabe. Ulertzeko, jakin, joan den martxoan, Frantziako Estatuak, departamenduak, eskualdeak, departamenduko laborantxa ganbarak eta laborantxako sindikatuek protokolo bat adostu eta izenpetu zutela. ELBk geroztik  protokoloa utzi du, analisiek frogatu baitute  eritasuna gainditu zutela ahateek. Haatik, administrazioak bururaino ereman du. Argitasunak emaiten dauzkute ELBko Julen Perezek lehenik, eta ondotik, Panpi Sainte-Mariek.

   

Alos Quartet Baionan izango da astearte honetan

Goiz berri

2021-
08-
03

Baionan, PASEO festibalaren baitan,  astearte hontan arratseko 19etan Alos Quartet taldeak kontzertua eskeiniko du merkatuko plazan. Bilaka kolektiboko dantzarien kolaborazio bereziarekin, dantza eta musika uztartuz emanaldi berezia eskeiniko dute. Maia Muruaga Alos Quartet taldeko Xabier Zeberiorekin izan da.

   

Memoria historikoaren bulegoa aurkeztu dute Irunen

Goiz berri

2021-
08-
03

Oraindik, ez dago zabalik, baina irailaren 13tik aurrera, erabili ahal izango da. Irungo udal artxibategian kokatuta egongo da, eta helburu nagusia, 36ko gerrako eta diktadura frankistaren biktimei aholkularitza ematea izango da. Horrez gain, garai hartako dokumentu eta objektuak ere bilduko ditu bulegoak. Aitzol Arroyo, irungo herriko etxeko memoria historikoko teknikariarekin hitzegin dugu. Aitor Errazkin bertan izan da.

   

Bokaldarrek berriz bozkatu beharko dute, iruzur elektoralak izan zirela jazko herriko bozetan erabaki baitu auzitegiak

Azken berri sailak

2021-
08-
03

Hauteskunde egunean, oposizioak ohartarazi 2 akats nagusi onartu ditu. Lehena, bozka-kabinek ez zutela erridaurik, eta ondorioz hautesleen sekretua ez zela errespetatua. Bigarrena, interneten bidez kontaktuen lortzeko gisan, webguneari alde komertziala eman ziola Francis Gonzalezek salatu zuen ere oposizioak, sistemaren ilegaltasuna azpimarratuz. Kriztof Arotzarenak xehetasun gehiagi eskeini dizkigu.

   

Ekologistek eta Arrantzako elkarteek lorpen garrantzitsua izan düte

Azken berri sailak

2021-
08-
03

Epaitegi administratiboan dei egin eta, Aturriko erreketan sareko arrantza debekatzea lortu düte arriskuan diren alosa eta lanproia arrainentzat. Departamendüko hamabost bat arrantzako elkarte bildü dira salaketa horren egiteko. Berri on bat baina pixka bat berant heltzen dena arrantzako sasoinaren bukaera baita. Orain, itsas bazterretan egiten den sareko arrantzari aurre egin nahi diote ere, beren ondoko desafioa izanen dela jakinarazi düte.

 

   

Erreken inguruan gogoetak eramaiten ari dira.

Goiz berri

2021-
08-
03

Ibaien ixurtze guneen eskamaren baitan, non uraren kalitatea, arrainen kopurua eta abar hobetu nahi dituzten. Azken herri alkargoako bilkuran Jean Claude Mailhrin Amenduzeko hautetxi eta eihera zainak, hitza hartu zuen herri alkargoak jarrera zentzuzkoa izan dezan, interes kolektiboaren alde. Artzen letona lankidea berarekin hortaz solastatu da:

   

Trenpan baina kontent agertü dira Barkoxtarrak lehen maskaradaren ondotik

Azken berri sailak

2021-
08-
02

2020an eman behar zuen Barkoxek maskarada Atarratzerekin batera. Negü hontan ezin izan dutenez eman, üdan egitea erabaki züten. Larunbatean eman zen lehen maskarada herrian. Hiru barrikaden ondotik, buhameek ohitarazi dute ohoinak ez direla beti pentsatzen ditugunak eta xorrotxek emazteen leküa maskaradan aldarrikatü düte. Osasun ziurtagiria beharrezkoa izanik ere, plaza betea zen. Heldu den astebürüan Eskiulara joanen dira maskarada emaitera eta agorrilaren 15ean Zalgizerat.

   

Jende ugari bildu zen Donibane Lohitzunen Etxerat Elkartearen ekimenean, salbuespen politika buka dadila aldarrikatuz

Azken berri sailak

2021-
08-
02

Atzo, Etxerat elkarteak "Abuztuak 1 Hondartzetara" deialdia luzatua zuen Euskal Herriko 17 hondartzetan, salbuespen politikari stop esateko. Ipar Euskal Herrian, Hendaia eta Donibane Lohitzuneko hondartzetan egin ziren ekimenak. Asier Arbelaitz gure lankidea Donibane Lohitzunen izan zen.

 

   

Arbonako okupazioak 50 hautetsiren sustengua jaso du

Azken berri sailak

2021-
08-
02

40 eguneko okupazioaren ondotik, Ipar Euskal Herriko 50 bat auzapez lekura berera joan ziren larunbatean beren sustengua erakusteko. Sustengu horrekin indar jokoa segitzen dute ELB sindikatuak eta Lurzaindiak, baina gaiaren funtsari doakionez berri handirik ez. Eremuaren jabeak berririk ez du eman, hartu emanek segitzen dute abokatu desberdinekin, baina egoera ez da aintzinatu eta aterabide ezean okupazioak segitzen du Arbonan.

   

Osagarri passaren salatzeko manifestaldiak izan dira larunbatean

Goiz berri

2021-
08-
02

Donibane garazin, Baionan eta Donibane  Lohitzunen izan dira mobilizazioak. Garazi eskualdean Gabiltza kolektiboak azken urtetako osagarri egoerari buruzko gogoetak eramaiten ditu. Aldi hontan argiki osagarri pass hau salatzen dute. Artzen letona lankidea Gorka Torrerekin bildu da:

 

   

Darmendrail eta Ximun Lanbert dira Baionako Mastersetako xapeldun berriak

Azken berri sailak

2021-
08-
02

Ospital eta Gixanduten aurka 40-37 irabazi dute. Baionako lehiaketa ez zen hain ongi hasi opor batzuekin, baina sekulako bukaera izan da. Jende alde eder baten aintzinean, gogor bezain ederra atera da finala, final haundi batek dituen osagai guziekin. Joko ederra, gaitzeko ikusmina eta bukaera krudela galtzaileendako. Ospitalek azken botea falta egin du, Darmendrail gazteak, bere lehen Mastersetan xapela jatzi du.

   

Trasfermuga, mugazgaindiko mugikortasuna laguntzeko aplikazioa berritu dute

Goiz berri

2021-
07-
30

Akitania-Berria, Euskadi eta Nafarroa osatzen duen euroeskualdeak, Garraio publikoko azpiegituren garatzea eta bidaiariei baliabide eraginkorrak eskeintzeko lanean ari da. Transfermuga proiektuaren baitan ibilbideak kalkulatzeko, euro eskualdeko garraioei buruzko informazioa zabaltzeko, bidaiak antolatzeko...www.transfermuga.eu ataria berritu dute. Internet bidezko bilatzaile honi esker mugazgaindiko garraio publikoaren inguruko informazio guztia eskuratzeko eskeintzen dute. Peio Barrenetxea, euro-eskualdeko lantaldeko kidearekin hitzegin dugu. Aitor Errazkin

   

Alpontxo eguna, agorrilaren 1ean iraganen da Uztaritzen

Goiz berri

2021-
07-
30

Herri Soinu, ikastola, herriko dantza taldeak eta antzerkilariek prestatu duten ekitaldi berria da. Aritz Bidegain eta Xabi Etchegaray antzerkilariekin mintzatu gira besta hunen edukiaz, bainan lehenik Herri Soinuko Thomas Briaxis-ek erran dauku frustrazio batetik sortu zela ekitaldia:

   

Festilasai festibala ostiralean abiatzen da

Goiz berri

2021-
07-
30

Festilasai iraganen da Biarritzen Irati auzoan, larunbat huntan. Aurten manera bereziz egun bakarreko festibala egiten baita. Bainan beti ere euskara, skata, eta musikan murgilduz. Renaud davant festilasaiko antolatzailea

   

Mugetako pasabideetan kontrolak gogortuko dituzte

Azken berri sailak

2021-
07-
29

Ostegun honetan, Olivier Dussopt Finantza Publikoen Ministroa Biriatuko Aduana gunean izan da, bertako instalazioak bisistatzen. Bertan, mugetako kontrolak gogortuko direla iragarri du bai aduana aldetik baita osasun aldetik ere. Asier Arbelaitzek xehetasun gehiago eskeiniko dizkigu.

   

Ostalariek herritarren sustengua jaso dute Baionan

Goiz berri

2021-
07-
29

300 bat jende bildu da atzo Baionako Roland Barthe zelaigunean, « Kasu kasu ostalariak Kexu » kolektiboaren deiari erantzunez. Ostaler, baina baita hiritar eta komertsanteek azken hilabete hauetan, Baiona Ttikiak bizi duen biolentzia gorakada salatu dute. Olatz Idoate

   

Nabigazioa orrika

Euskalirratiak Twitterren

RSS Sindikazioa

Atom RSS
Euskalirratiak

Publizitatea

 

Bidali iragarkia honako formularioa erabiliz

 

Azaldu proposamena gurekin harremanetan jarriz

 

Ikusi entzuleei buruz xehetasunak