Entzun Irratia Zuzenean
Lehio berrian

Goiz berri

Astelehenetik ostiralera, goizeko 7 orenetarik 9-etarat, Goiz Berri saioak aktualitatea hurbiletik segitzea proposatzen dautzue.

Egun guziz gomita ezberdinak, erredakzio taldearen berri sail nagusiak eta erreportaiak, Maiana Mendiburu-ren atal berezia 8ak 5 guttitan, eta laguntzaileen aipaldiak, hara nola liburu irakurketa, euskarazko internet guneen aurkezpena eta hegoaldeko berri hautatuen laburpena.

Gainera, astearte eta ostiraletan, Pello Zabala aro ikertzaleak bere iragarpenak proposatzen dizkigu.
Ahantzi gabe jokoak 9ak 5 guttitan, bi aste guziz, apairu goxoak irabazteko.

« Leku batzuetan hobe litzateke egitea ahuntzekin, landare inbaditzaileak jaten dituztelako »

2020ko sutearen ondotik, Xibertako oihanaren berreraikitze lanetan, suteak saihesteko zer egin behar den ere gogoetatzen ari dira. Uztaileko sutearen hedatzearen jatorrian ziren sasi laparren ttipitzeko, entsegu gisa, ahuntzak eman dituzte Angeluko oihan zati batean. Departamenduaren esku den « Ihiztarien Oihana » deitu lur zatia hetsi dute, eta Peio Oltzomendiren 20 ahuntza eta 9 pittika lanean jarri dituzte urtarriletik. Peio Lambert, departamenduko teknikariak segitu du esperientzia hurbiletik. Arantxa Idieder hurbil da esperientzia gunera. 

 

"Bakarrik lasterrago joan gintezkeen baina elgarrekin urrunago joanen gira"

Hainbat herrik Euskararen aldeko Tokiko Xarta izenpe lezakete urte bukaerarako. Hori da Itsasuko Herriko Etxeak eta Euskal Konfederazioak abiatu duten lanketaren xedea 

 

Entzulearen iritzia: Beltzane Obanos "Akitua"

Aldi honetan Beltzane Obanosen iritzi tartean, hitz bat errepikatzen da: “akitua” 

   

“Irakaskuntza elebidunean euskararen lekua bermatu nahi baldin bada, erakunde publikoen inplikazio handiagoa ezinbestekoa da”

Euskararen Erakunde Publikoaren biltzar nagusia iraganen da ostegun honetan 15:00tan eta besteak beste, elebidun saileko bigarren mailako zein irakasgai postu pasatzen ahal den frantsesezkoa izaitetik, euskarazkora aipatuko da. Testuinguru hortan, irakaskuntza elebidunak kolegio eta lizeoetan hezkunde nazionalarengandik topatzen dituen oztopoak aipatu dizkigu, gaurko gomitak, Garaziko Navarre lizeoan irakasle eta Euskara Geroan elkarteko kide den Amaia Bolokik, Maddi Sarasuarekin: 

Azken eguneratzea hemen: Osteguna, 2021(e)ko martxoak 25
 

"Bi edo hiru aldiz txerto dosi gehiago errezibituko ditugu laster" Michel Glanes, Baionako Ospitale zentroko zuzendaria..

Igurikatze zerrendak ideki dituzte txertatze gune batzutan, covid19aren kontrako dosiak eskas baitira. Baina jadanik kasik 40 mila pertsonak eskuratu ahal izan dute lehen txertoa ipar euskal herrian. Eta adineko etxeetan egoiliarren %90a baino gehiago osoki babestua da. Marga Forestier:

   

Nabigazioa orrika