Entzun Irratia Zuzenean
Lehio berrian
Bannerra

Goiz berri

Astelehenetik ostiralera, goizeko 7 orenetarik 9-etarat, Goiz Berri saioak aktualitatea hurbiletik segitzea proposatzen dautzue.

Egun guziz gomita ezberdinak, erredakzio taldearen berri sail nagusiak eta erreportaiak, Maiana Mendiburu-ren atal berezia 8ak 5 guttitan, eta laguntzaileen aipaldiak, hara nola liburu irakurketa, euskarazko internet guneen aurkezpena eta hegoaldeko berri hautatuen laburpena.

Gainera, astearte eta ostiraletan, Pello Zabala aro ikertzaleak bere iragarpenak proposatzen dizkigu.
Ahantzi gabe jokoak 9ak 5 guttitan, bi aste guziz, apairu goxoak irabazteko.

8163 metroko tontorra igo dute oxigenorik gabe

Nepaleko 8163 metroko Manaslu tontorra igo zuten oxigenorik gabe duela bi aste irailaren 30ean, Jakes Sallaberemborde eta Frédéric Arburuak, Maialen Berterrechek 7600 metrotan zelarik atzera egin behar izan zuen. Arburua, Manaslu 2021 expedizioko kidearekin hitz egin du Oihana Daguerrek. Urriaren 26ean atsaldeko 7etan hiruen lekukotasuna entzuten ahalko duzue Euskal irratietan.

 

"Aieteko konferentzia, eman beharreko pausoen artean garrantzitsuenetako bat izan zen"

Hamar urte beteko dira Aieteko konferentzia egin zenetik. Urteurren horren arira, nazioarteko jardunaldiak antolatu dituzte Donostia eta Baionan. Conciliation Resources-ek, Berghof fundazioak, Bake Bideak eta Foro Sozial Iraunkorrak antolatuta «bake prozesuei» buruzko hitzaldiak emanen dituzte urriaren 14tik 16ra. Imanol Murua kazetaria, Aieteko adierazpena gertutik jarraitu zuen. 10 urteren ondoren bere ikusmoldea jakin nahi izan dugu

 

Xiberoa batzarri lürralde bat izan nahi da!!

200 jende Maule gainean georgiako familia baten süstengatzeko. Cimade izeneko alkarteak eta herriko etxeak deitürik, xiberotarrak nasaiki bildü dira. Helbürüa: prefetari erakustera ez züela familia hori ütziko maulerik joiten. Georgiako familia hori untsa integratürik da Maulen. Mauleko herriko etxeak phestatzen düan alojamentü batetan bizi da, eta haurrak eskolan ebilten dira.

   

"10 urte geroago aurrerapenak nabarmenak dira, gure herria konfrontazio ziklo batetik atera da" Agus Hernan Foro Sozial Iraunkorreko koodinatzailea

Datorren igandean hamar urte beteko dira Aieteko konferentzia egin zenetik. Urteurren horren arira, Conciliation Resources eta Berghof Fundazioak, eta Foro Sozialak eta Bake Bideak 'Aietek 10 urte. Irakaspenak eta Erronkak' Nazioarteko Jardunaldiak antolatu dituzte.Topaketak, Donostia eta Baiona artean irgango dira.Ostegunean hasi eta larunbata arte zabalduko dira. Orotara 20 bat hizlarik parte hartuko dute. Agus Hernan, Foro sozial iraunkorreko koordinatzailearekin hitzegin dugu. Aitor Errazkin

Azken eguneratzea hemen: Asteazkena, 2021(e)ko urriak 13
 

Txomin Hiriart Urruti-k Anai Artearen ibilbidea laburbiltzen duen liburua aurkeztu du

“Emazteak eta Euskal Literatura” lemapean, atzo iragan zen Sarako idazleen biltzarraren azken eguna, profesionalei zuzenda. Liburu frango aurkeztuak izan dira berriz ere, baina aurten Anai Artea elkartea ohoratua izan da Sarako Biltzarrean. Karia hortara Txomin Hiriart Urruti-k Anai Artearen ibilbidea laburbiltzen duen obra aurkeztua du. Liburu horren idazteko nola antolatu den erran digu Kanboarrak

   

Nabigazioa orrika