Industria saileko 220 aprendiz postu eskainiko ditu Aturriko formakuntza guneak

Irratsaioak

Ate idekiak antolatzen ditu larunbat honetan Tarnoseko Aturri Formakuntza guneak. Aeronautika, informatika, elektronika, galdaragile edota soldatzaile, industria arloko formakuntza ezberdinak eskaintzen ditu, CAP diplomatitik, ingeniari diplomara. Landesetako hiru gunetan dira, hurbilena Tarnosen eta orotara seirehun bat ikasle ditu. Baina ikasleak eskas dira industria sailean, eta ondorioz, heldu den ikasturterako 219 aprendiz postu eskainiko dituzte. Eskolatik atera eta sei hilabetera, ikasleen %93ak lanpostua atzematen duela neurtu du formakuntza guneak. Eskola hobeki ezagutzeko, bisitak proposatzen dituzte maiatzaren 13an, larunbatarekin, 9:00-13:00 bitarte.

Milioi euro pasako salmentak barnekaldeko saltegietan, Euskal Herria Bihotzean txekeen bidez

Irratsaioak

Baxenabarre eta Xiberoako merkataritza bultzatzeko xedez sortu zen Euskal Herria Bihotzean elkartea, duela hamabost urte. Erosketak hurbileko saltegietan egiteko usaia zabaltzeko, opari eta kultura txekeak sortu zituzten. Aurten, hirugarren urtez segidan, milioi bat euroko heina gainditu dute txeke bidez barnealdeko saltegietan egindako salmentak. Txeke horiek elkarte, kolektibitate eta herritarrei zuzenduak dira.

Idorteak 40.000 hektarea kaltetu ditu Nafarroa hegoaldean

Irratsaioak

Nafarroako Erriberako eta Erdialdeko 40.000 hektareako zerealari bideraturiko lur eremua galdua da. Hala dio Nafarroako Gobernuak. Iaz ere hainbat urtegi kasik urik gabe gelditu ziren eta aurten arazoa handiagoa izanen dela aurreikusten dute. Horrek ondorio larriak ditu zereal hazkuntzan, landaketa ezineakoa baita eta galerak handitzen baitira. Ondorio larria ere kabalengan, menditik lehenago jautsi behar baitituzte bazka eta ur eskasez. Gogoeta sakon bat egin behar dela iduritzen zaio Patxiku Irisarriri, Nafarroako EHNE Euskal Herriko Nekazarien Elkartasuna sindikatuko idazkariari. Zerga beherapenak eta kaltetutako uztaren lastoa, biomasa gisa erre eta energia iturri gisa erabili ordez, kabalak elikatzeko baliatzea galdegin dute sindikatuek.

Iritzia | Jakes Bortairu: Monopoly

Irratsaioak

 

Bueltan da Ziburuko Xaltaian musika festibala

Irratsaioak

Ekainaren 9 eta 10an ospatuko da Ziburuko Xaltaian musika festibala. Osoki urririk izanen da, eta hirugarren ediziorako egitaraua prest dute. Aurten, bi egunez, Zokoan eta Ziburuko pilota plazan bi gaualdi izanen dira. Gonbidaturiko musika taldeen artean dira Zortzi, Ixabe, Deabru Beltzak, Kraft, Honky Tonky trio eta Gatibu. Adur Larrea marrazkilariak sortu du aurtego edizioaren afixa.

Subcategories

Goiz berri

Astelehenetik ostiralera, goizeko 7 orenetarik 9-etarat, Goiz Berri saioak aktualitatea hurbiletik segitzea proposatzen dautzue.

Egun guziz gomita ezberdinak, erredakzio taldearen berri sail nagusiak eta erreportaiak, Maiana Mendiburu-ren atal berezia 8ak 5 guttitan, eta laguntzaileen aipaldiak, hara nola liburu irakurketa, euskarazko internet guneen aurkezpena eta hegoaldeko berri hautatuen laburpena.

Gainera, astearte eta ostiraletan, Pello Zabala aro ikertzaleak bere iragarpenak proposatzen dizkigu.
Ahantzi gabe jokoak 9ak 5 guttitan, bi aste guziz, apairu goxoak irabazteko.

ADI

Oreneko, emankizun musikala.

Euskal Herriko eta kanpoko musika berriak eta lehenagokoak

Trip-Hop,Trash, Metal, Pop Rock, edo Elektroa nahasten dira. Egin ahala talde alternatibo, underground edo Major-etarik urrun diren taldeek beren lekua dute hemen! Musika librea...


Aitzur eta Jorra

Laborarien emankizuna.

Asteko gertakarien aipamena eta barnatzea. Ondoko egunetan izanen denari behakoa. Erreportai eta lekukotasun : etxalde, laborantxari lotu egitura eta enpresetan, erakusketa eta ferietan…
Ortzirale aratsetan 7 orenetan eta errepika, larunbatetan, oren batean.

Ze berri

Ze Berri! magazina: Astelehenetik ostiralera, eguerdiko 12.00etatik 13.00etara Iulen Giresse-n eskutik

Punttuka

Bertsolari eta bertsozaleen emankizuna.


Aste guziz, gaur egungo bertso saioak entzungai eta kronika desberdinak, hala nola bertso saio zaharrena eta agenda.

Joanes Etxebarriak, Ramuntxo Cristy eta Xan Alkhatek aurkezten duten emankizuna.
Astearte guziz, zuzenean, arratseko 7 orenetarik goiti eta errepika astezkenarekin, arratsaldeko 3 orenetan.


Ikusi makusi

Astezken guziz eguerditan, haur eta gazteak mintzo ikastexean egin duten lan batetaz , antolatu duten ateraldiaz edo bestaz. 

Kasu solasaldiak ongi entzun ondotik galderak baitira eta jokoan zernahi sari eder

(raftinf, aisaldi eta abentura parkerat ateraldiak, zaldiz ibilaldiak itsas museoko sartzeak).

 

Gure bazterrak

Ipar Euskal Herriko hainbat guneren ezagutzeko xedearekin sortua izan da.  Emanaldia bera, Gure Irratian ari zen Lucien Etxezaharretak abiatu zuen 1997ko urrian, bere parea bilakatuko zen Jakes Casaubonekin, haien helburua zelarik naturak dituen aberastasunen ezagutaraztea Gure Irratia, Irulegiko Irratia, Antxeta Irratia eta Xiberoko Botzako entzuleei.
Gure Bazterrak emankizunen interesa berezitasuna da bisitatua den lekuan berean grabatua dela, naturaren soinuei leku inportanta utziz eta manera berean indar gehiago eskainiz tokiko jendeen lekukotasunei, emankizunak tokietako memoriaren biltzea ere baitu xedea
 

Ezkur beroak

Musika emankizuna Mattin Etxeverria eta Txomin Zubietarekin

Hortzen garbitzea

Patxi Oillarburu eta Paxkal Irigoyhen-en musika saioa.

Gure Bazterock

Txomin ta Xabiren bazterrock-ak ezagutu.

Badok 14

 Pantxix Bidarten eskutik, euskal kantagintza tradizionalari buruzko irratsaioa.

Hitz eta Putz

 «Berri sailetan aipatu ez, baina Interneten zabaltzen diren gaiak landuko ditugu». Saioan hainbat kolaboratzaile dira, musika, telebista, nazioartea, gaurkotasuna, irudia, gogoetatzeko gune libre bilakatuz irratia.

#telebistautz #irratiapitz

Ixo

Ixo! Emankizuna itzultzen da formatu luze batean! Oren batez Euskal Herriko talde baten ezagutza eginen dugu eta horrez gain bi kronikalari ukanen ditugu gurekin!

Gazte Begiz

Jon Muruaga Hiriart, Esteban Bastié eta Aimar Lopez Erasunek kirola, teknologia berriak, musika eta bertzelako berriak aipatzen dituzte Gazte Begiz saioa

Metal garrasia

Metal Garrasia Antxeta Irratiko eta Euskal Irratietako metal saio hoberena -eta bakarra- da eta bertan pertsona guztientzako metal musika jartzea gustatzen zaigu. Bidasoaldean 89.7 fm edo 90.5 fm emisoratan entzun ahal gaituzue ostiralero gaueko bederatzietatik hamarretara.
Saioaren zuzendaritza eta produkzioa “Dyerth” Iriarte jaunaren eskuetan egoten da, eta Brutal jauna izaten da gidoilaria eta saioa behin eta berriro oztopatzen duena.

Bidasoa Attak

Aitor Perez, Apurtu taldeko gitarra jolea eta abeslariak aurkeztutako saioa dugu Bidasoa Attak. Bertan punka izango dugu entzungai eta aztergai.

Hutsa

 Hutsa saio hilabeteko lehen astelehenez 21.00etatik22.00etara Euskal irratietan.

Itzaletan Sua-k eskaini dj musika saioa  entzun!

Artista solas