Urte batez ikastetxeetan eta Garazi-Baigorriko Iparralai musika eskolan eramandako lana entzungai izanen da Baigorriko elizan, maiatzaren 23an izanen den koru topaketan. 21:00etan, 180 gazte inguru bilduko dira elgarrekin kantatzeko. Kantu emanaldi honetan hartuko dute parte Iparralai musika eskolak, Lartzabaleko Manex Erdozaintzi Etxart ikastetxeak, Donibane Garaziko Zitadela eta Baigorriko Pujo kolegioek. Errepertorio aberatsa aurkeztuko da hizkuntza ezberdinak nahasiko dituenak.

Musikaz gain, bestaz goxatzeko parada ere izanen da. 19:00etatik goiti eta kantalditik landa Iparralai musika eskolak taloak bixkotxak eta edariak salduko ditu. Koru topaketarendako sartzea urririk da.