Palestinar erresistentzia babestu dute milatik goiti manifestarik, Hendaia eta Irun artean

Milako bat pertsona mobilizatu ziren larunbatean Hendaia eta Irun artean palestinar erresistentziaren alde, eta genozidio sionistaren kontra. Santiago zubian margo gorrizko arrautzak bota zituzten polizia frantsesaren kontra, «Israel hiltzaile, Macron laguntzaile» oihuen artean, eta poliziak gas negar-eragilearekin iharduki du. Manifestaldia Israelgo Estatuarekin negozioak dituen CAF enpresaren lantokian bururatu da. Euskal Herriko enpresaburuek palestinarren kontrako sarraskian duten ardura salatu dute, baita Europar Batasunaren konplizitatea ere.