Gizakiak beti bidaiatu du... baina ez da beti turista izan. Lurraldeak konkistatu, merkataritza bide berriak sortu, nonbaitera beilari joan edota ezagutzak partekatu... Baina turismoa, bidaiatzearen esperientzia merkantzia edo salgai den produktu bat bilakatzen denean sortzen da. Behintzat horrela ulertuko dugu emankizun huntan, eta beraz bere izaera kapitalista argitan emanen dugu.

Erretreten erreforma geldiarazteko hamalaugarren greba deialdia iragan da berriki, azken hilabeteetako mobilizazio ahulena. Unea heldu da Ipar Euskal Herria eta Frantzia osoa inarrosio suen mobilizazio ziklo honen balorazio kritikoa egiteko. Nondik heldu da erreforma hau, eta zerk bultzatu du? Zer utzi du agerian erreformaren kontrako borrokaldiak?

Gerla inperialista basakeria kapitalistaren adierazpenik gordinena da, nazioarteko oligarkiak krisi garaian irabaziak handitzeko duen baitezpadako tresna. Gerla honetan, langile klasearen behe-geruzak dira galtzaile: ihes egiteko baldintza ekonomikorik gabe, lubakietara bultzatu edo etxetik indarrez kanporatu dituztenak. Elite oligarkikoak milioika proletarioren bizitzak basakeriaren menpe utzi dituzte.

Martxoaren 8a, Emazte Langileen Nazioarteko eguna, hemen da. Egun horren zentzuaren eta mobilizatzeko arrazoien inguruan hausnartzeko solasaldia proposatzen dautzuegu hamairugarren zantzu emankizun honetan. On egin!