Funtzio publikoko sektore ezberdinetan ari diren langileak grebara deituak dira astearte honetan. Osasun arloan ari direnak, irakaskuntzan, kolektibitate publikoetan edo sozial munduan ari direnei zuzendua zaie deialdia. Lan baldintzen okertzea, inbertsiorik eza, lan geldialdien murrizketa, eta soldaten egoera aldarrikatuko dituzte sindikatuek. Bi elkarretaratze nagusi eginen dira Ipar Euskal Herrian: goizeko hamaiketan Baionako ospitale aitzinean LAB eta CGT sindikatuek elkarretaratzea eginen dute, eta ondotik Euskal Elkargoak Baionan duen egoitza nagusira abiatuko dira. Bigarren mobilizazioa ordu baterako deitu du UNSA sindikatuak, Baionako ospitale publikoan.