Bada urte zenbait elkarte, herritar eta hautetsi talde bat lanean ari dela Baionako Euskal Museoak gune bat ireki dezan Xiberoako hiriburuan. Haatik, herriko etxearen aldetik ekinbidea aitzina eramateko aski babesik ez dela iritzi dute. Louis Labadot Mauleko auzapezak azaldu duenez, ordea, proiektuarekin engaiatuak dira eta jadanik bi eraikin proposatu dituzte Euskal Museoaren adarra ezartzeko. Hori bai, eraikitzear den espartinen interpretazio zentroari lehentasuna ematen dio herriko etxeak eta ez du nahi Euskal Museoaren proposamenak gune horri itzala egin diezaion. Donapaleun ere adar bat eraikitzekotan da Euskal Museoa, eta lanak aitzinatuak dira.