Hego Euskal Herriko herriko etxe guztiak larunbatean osatuko dira. Aliantzen dantza bukatzen ari da eta herri gehienetan gehiengoak osatu badira ere, azken momentu arte sorpresak izan daitezke. PSEk eta EAJk herriko etxe gehienetan aliantzak egin dituzte, EH Bilduk aldiz Ahal Dugu alderdiaren inguruan sortu diren zerrenda desberdinekin. Iruñean, azken uneko sorpresarik ez bada, Joseba Asiron ez da izanen auzapez, PSNk betoa ezarri baitie abertzaleei. Beraz eskuineko auzapeza ukanen du Iruñeak. Goiz berriko gomita izan da Joseba Asiron EH Bilduko auzapez gaia.