Euskal Herriko traineruen KAE1 liga abiatu zen larunbat arratsaldean Donibane Lohizuneko hondartza nagusian. Nesken bigarren dibisioko sasoia ere ber denboran, eta Zumaiako emazteak dira nagusitu Sestoarren aitzinean. KAE1 Ligan, berriki LAT Lapurdiko Arraun Taldeak erdietsi zuen bere tokia maila horretan. Beren etxean lortu dute bigarren tokian helmuga pasatzea, Pasaiako San Juan taldearen ondotik eta San Pedro aitzin. Atzo bigarren eguna iragan zen Pasaian, pausa handirik gabe. Ikurriña etxeko San Pedrok eraman du, eta bigarrena Zumaia izan da, Arkote hirugarrena eta lapurtarrak laugarren. KAE1 ligan, beraz, San Pedrotarrak dira buruan 22 punturekin eta ondotik, San Juan eta LAT bakoitza 20 punturekin.