Gazteei hitza eman diete Hiriburuko herrian. Joan den ostiralean, lehen aldiz, 24 haurrek osatu herriko gazteen kontseilua bildu zen herriko etxean. Hiriburuko lau eskoletako ordezkarik osatzen dute, denak 9, 10 eta 11 urte artekoak. Egiazko hauteskundeen bidez hautatuak izan dira. Haien helburua, gazteentzat proiektuak proposatzea izanen da baina interes orokorrekoak ere. Proiektu horrekin, haurren herritartasuna lantzea dute xedea herriak eta eskolek.