Lehen aldia da Gixuneko lakuan horrelako ezbehar bat gertatzen dela. Sei hektarea ditu laku horrek, eta uraren sakontasuna 35 metroetara heltzen da. Lakuaren bazter batean hondartza gune bat dago, Base Pop aisialdi-guneko hogei langilek zaintzen dutena. Haatik, bainulari gaztea zaintza eremutik kanpo bainatzen ari zen. Senpereko lakuan ere, hiru hildako izan dira azken hamar urteetan. Egun jendetsuenetan, bostehun bainulari izan daitezke Lapurdiko aintzria ezagun horretan, eta bi soroslek dute bisitari guzien segurtasuna zaintzeko ardura.