43 urterekin, bere ibilbide aberatsa geldituko du Iñaki Goikoetxea zezta puntalariak heldu den urrian. Anartean, erakusten ari da hoberenetan dela beti. Horren lekuko, Miarritzeko Urrezko Xisteraren finala jokatu du asteazken honetan eta ostegunean, Donibane Lohitzuneko lehiaketaren finalerdian ere parte hartuko du. Gernikako lehiaketa kari agur erranen dio zezta puntari, bainan jokalari gisa bakarrik. Ondotik, Gernikako Eraman enpresako kirol zuzendari izanen da.