Uda honetan Irulegi mendian egindako hiru hilabeteko indusketa kanpainak baskoien bizimoldearen inguruko informazio gehiago eskaini ditu. Aranzadi zientzia elkarteak egin ditu ikerketa lanak. Besteak beste, agerian eman du erosteko ahalmena zuen gizarte bat zela, erromanizazioa prozesuan zena. Haatik, Kristo aitzinetik I. mendean jasan erasoaren ondorioz herrixkatik kanporatuak izan ziren. Atzemandako eraikuntza teknika eta arrastoei esker, Mediterraneoko gizarteekin hartu-emanak zituztela ikus daiteke, bereziki Erromatar inperioarekin. Irulegiko eskua atzeman zenetik bi mila bisitari baino gehiago hurbildu dira Iruñea ondoko mendixka honetara. Gaiaz gehiago sakondu dugu Mattin Aiestaran aztarnategiko zuzendariarekin Goiz Berri saioan.