Ezpeletako biperrak interesa piztu du Afrikan. Baina ez salerosketa aldetik, sor-markaren garapenarengatik baizik. Hainbat ekoizlek egin dute bidaia Lapurdiko herriraino Benin, Senegal, Boli Kosta, Kamerun eta Gineatik. OAPI jabetza intelektualaren Afrikako erakundearen laguntzaz egin dute bidaia, Ezpeletako biperra nola egituratua den, laborariak nola antolatuak diren eta sor-marka nola aitzina eramaten duten ezagutzera. Aste osoa pasako dute Ipar Euskal Herrian, hainbat tailer eta bisita burutuz.