Donibane Garaziko hirigintza plan berria aurkeztu du herriko etxeak. Laurent Intxauzpe auzapezak zehatu zuenez, 90 bizitegi berri eraikitzea aitzinikusten dute. Horietatik 35 bizitegi sozialak izanen direla segurtatu dute. Planak hiru proiektu barnebiltzen ditu, bi etxebizitzari lotuak, eta hirugarren bat kiroldegi berri bat sortzeko. Lanak 2025ean abiatuko lirateke Euskal Hirigune Elkargoko biltzarrak onartu ondotik.