Frantses estatuan ez da hamabost urtean behin mediku-azterketarik egin beharko gidabaimena ukaiteko. Horrela deliberatu dute Europako legebiltzarrean. Neurri horren bultzatzaileen arabera, bideko istripuak %50 murriztuko lirateke. Izan ere, geroz eta zaharragoa den populakuntza batean, gabezia fisikoek bideetako lanjerra emendatzen dute. Espainian edota Italian jada aplikatzen den neurria Europa osora hedatzea eztabaidatu dute. Ezezkoaren ondotik, estatu bakoitzak bere hautua egiteko aukera atxikiko du.