Zailtasun ekonomiko handietan da Laguntza Etxerat elkartea. Hazparneko eskualdean, beren etxean bizi diren adinekoak eta elbarrituak laguntzen dituzte, eta horrez gain, bi haurtzaindegi kudeatzen dituzte Hazparnen eta Beskoitzen. Lan hori egiteko ehun langile ditu egitura horrek, baina diru sartze berririk ukan ezean, bortak hetsi beharko ditu; izan ere, 150.000 euroko defizita du gaur egun elkarteak, eta 2025 hastapenean kopuru hori bikoiztu liteke. Departamenduaren engaiamendua galdegin dute langileek ekainaren 6an Hazparneko lurraldearen egoitza aitzinean egin duten elkarretaratzean.