Aro txarrak, inflazioak edota Olinpiar jokoen eragina ote? Turismoak %5 egin du beheiti Lapurdi, Baxe Nafarroa eta Zuberoan uztaileko hilabetean. Departamenduko turismo agentziak argitaratu zenbakien arabera 200.000 bisitari izan dira egunean bataz beste, lurralde osoan. Iaz, ordea, 240.000 izan ziren. Daniel Oltzomendi Elkargoko turismo jasangarriaren presidente ordearen arabera uztaileko datuek «ez dute anitz erraten udako turismo sasoiari buruz», eta uda bukaerako datuak goaitatu beharko dira.