Urruñan, Tokiko laborantza iraunkor batetik datozen ekoizpenekin lan eginen duen sukalde zentrala eraikitzeko obrak iraila eta urria artean abiatuko ditu Urruñako herriko etxeak. Eraikin berria hiri barneko haur eskolaren eremuan kokatuko da eta paraleloki herriko baratzezaintza proiektua abiatuko dute herriko etxetik. Proiektuaren kostu orokorra 2,7 milioi eurokoa izatea aurreikusten dute Marie Christine Elizondo Urruñako hirigintzarako auzapez-ordeak azaldu digunez.