Donibane Garaziko hautetsiek bi proiektu nagusi aipatu dituzte sartzeko lehen herriko kontseiluan. Batetik, elizako zureria eta teilatua eraberritzeko 99.000 euroko lanak gauzatuko dituen enpresa hautatu dute; 24 astez luzatuko dira lan horiek. Bigarrenik, herriko etxeko plazaren proiektua ukan dute hizpide. Hautetsiek oinezkoendako plaza bat sortu nahi luke bere egoitzaren aitzinean, egun den aparkalekua kenduz. Errepidean ere bi bideak zuhaizdun zerrenda batez bereiziko dituzte, ibilgailuen abiadura murrizteko xedez. Proiektuak 800 000 euroko kostua izanen du, eta lanak urriaren 15etik apirilera luzatuko dira.