Kolore zuhail batekin eta axeri buztan itxurarekin duen landarea da panpa-belarra, hainbat ezteietan apaingarri gisa ikusi daitekeena. Alta, 2023ko martxoaren 2tik inbaditzaile gisa sailkatua den landare exotiko hau saltzea, baliatzea edota ukaitea ere fermuki debekatua da Frantziako estatuan. Izan ere, Argentinako Panpa eskualdetik jindako landare hau biziki fite hedatzen ahal da, milioika hazi sortu eta haizeak urrunera zabaltzen baitu. Orain da hain zuzen, kontra egiteko mementoa. CEN Akitaniako Espazio Naturalen behatokiak, panpa-belarra mozteko deia zabaldu du.