Ikerketa bat abiatu du Bordeleko errektoretzak baxoko ahozko proba euskaraz burutu izanagatik. Ez da xehetasunik eman instrukzioaz, baina ikerketa horren ondorioz kondenak izan daitezkeela jakinarazi du errektoretzak. Oroit, ekimen horren bidez hezkuntza sare ezberdinetako ehun bat irakaslek ikasleei ahozko proba euskaraz erantzuteko aukera eskaini zietela. Euskaraldian baliaturiko txapa erakutsirik, ikasleek ahozkoaren parte bat edo, zonbait kasutan, proba osoan euskaraz egin ahal izan zuten.