Pilotan esku huskan, igande goizean jakinen da zoin pare Frantziako txapeldun izanen den. Baionako Modernoan ariko dira, alde batetik, Eneko Maiz eta Luis Sanchez. Eta bestetik, Eñaut Etxeberria eta Battitta Ducassou. Txapelketako bi pare erregularrenak izan dira. Abantaila, Maiz eta Sanchezi, partida guziak elkarrekin jokatu ahal izan baitituze, zauritu gabe. Partida zuzenean entzungai izanen da igandean, goizeko 11:00 orenetan Euskal Irratietan.