Metamorfosia ekologiko eta soziala bultzatzen duten alternatiben erakusleiho bat Baionan. Euskal Herria «burujabe, solidario eta iraunkorraren» aldeko ekimena ospatu du Bizi mugimendu ekologistak asteburuan, Lapurdiko hiriburuan. Parte hartze kopuruak antolatzaileek uste zutena baino apalagoa izan den arren, 8.000 pertsona hurbildu dira antolatuak ziren hamarnaka mintzaldi, eztabaida eta kontzertuetara. Mathilde Etxeleku, arkitektoa eta Biziren etxebizitza taldeko kidea, Goiz Berriko gomita izan da.