Gazako sarraskia salatu eta bake iraunkor baten aldeko manifestaldia izan da Baionan, joan den larunbatean. Antolatzaileen arabera, 500 pertsonatik goitik parte hartu dute mobilizazioan. Ipar Euskal Herriko hautetsi eta elkarte munduko hainbat pertsonek egin dute deialdia. Baionan egin diren azken bi deialdietan ez bezala, suprefeturaren baimenarekin mobilizatu dira, israeldarren eta palestinarren arteko elkarbizitza nahiz bakerako elkarrizketaren beharra aldarrikatuz.