Hilabetea iragan da EH Bilduko Joseba Asiron Iruñeko auzapezgoa eskuratu zuela. Abenduaren 28an berreskuratu zuen nafar hiriburuko aginte makila, UPNko Cristina Ibarrolaren kontrako zentsura mozioaren bidez. Horretarako, PSN alderdiaren aldeko bozkak ukan zituen. Lehen aldia da indar politiko espainiar horrek ezker abertzaleari babesa ematen diola erakunde nagusi bat eskuratzeko. Zentzu horretan, «lankidetza iraunkor berri bat» plantan emateko esperantza du Asironek.