Aiherrako 'Beltzegitea' etxean kokatuko da Eguzkilore haurtzain-etxe berria. Euskara, natura eta motrizitate librea oinarri harturik, heldu den apirilean hasiko dira zerbitzua eskaintzen. Euskal Hirigune Elkargoak iaz erabaki zuen gune horretan proiektua garatzeko diru-laguntza eskaintzea. Bi hilabeteetatik, eskolara sartu bitarteko hamabi haur hartzen ahalko ditu haurtzaindegi berriak.