Hazparneko misiolarien kapera berritu dute. 193ean eraiki zuten Bihotz Sakratuari eskainitako kapera hori, baina azken urteetako baliapen eskasaren ondorioz, eraikina andeatu zen. Lau urte iraun du 2,4 milioi euroko zaharberritze prozesuak, eta abenduaren 8an estreinatu dute. Herriko etxeak Estatuaren, Akitania Berria eskualdearen eta hainbat pribaturen finantzamendua bildu du arraberritze proiektua garatzeko. Kaperak zerbitzu espirituala emateko ez ezik, ekimen kulturalak, kontzertuak eta mintzaldiak eskaintzeko baliatuko da.