Hamazazpi orenez euskal kostaldea trabeskatuko du Lenaïg Alfaro 17 urteko gazteak. Asteazken gauean itsasoratu zen, eta ostegun arratsaldean Getxoko portura heltzea du xede. Baiona eta Bilbo arteko distantzia O'pen BIC batean egiten duen lehena izan nahi du Alfarok. Itsasontzi hori bela arineko itsasontzia da, 2,7 metroko luzera duena. Erronka ez da erraza izanen, hiru metroko uhinak iragarriak baitira euskal uretan. Alfarok balio sinbolikoa ematen dio Ipar eta Hego Euskal Herria batzen dituen bidai horri.