28 urte baizik ez ditu Joana Halzuet urruñarrak eta iaz estropada guziak eraman zituen Donostiako Arraun Lagunak elkarteko patroitzat hautatu dute. Duela bi urte, Euskotren liga eta Kontxa irabazi zituen talde horrekin, arraunlari gisa. Pausa baten ondotik, joan den urrian, Arraun Lagunak elkarteko buruzagien proposamena onartu zuen azken urteetako ekipo hoberena zuzentzeko. Maila horren atxikitzea dute helburutzat aurten ere.