Errugbian, Angeluk 33 eta 28 irabazi du bere zelaian Niorten kontra. Baina zazpigarren izanki, ez du lehen seietan bururatzen lehen fasea eta horretan uzten du aurtengo txapelketa. Maulek eta Donibane Lohizunek final-zortzirenetarako txartela eskuratu dute hurrenez hurren Fleurance eta Arcachoni nagusiturik. Biek kanpoan jokatuko dute ondoko partida. Xiberotarrek Nantesen eta donibandarrek Isère aldeko Viennen. Galtzaileak txapelketatik kanpo geldituko dira. Federale 1 mailako azken eguna kari, play-offetarako lekua eskura dezakete Nafarroako jokalariek Saint-Médarden kontra irabaziz beren zelaian. Partida apirilaren 13an jokatuko da Baigorrin.