ZFE emisio gutxiko eremua ezartzeko prozedura behin-behinean etetea erabaki zuen Euskal Elkargoak larunbateko osoko bilkuran. Parisen momentuz eztabaidak geldituak dira, eta egokiagoa iduritzen zaio legebiltzarrean erabakiko denaren arabera hartzea ondotik erabakiak ipar Euskal Herrian ere. Batasun Nazionalak Pariseko legebiltzarreko batzordean aurkeztu emendakin batek blokeatu du bozketa. Errepublikanoek ere bat egin dute eta honela, emisio gutxiko eremua izendatzeko prozedura momentuz geldirik da. Jean François Irigoien, mugikortasun sindikatuaren presidenteak azaldu duenez Euskal Elkargoak ezin luke deus trenkatu Parisek gibelera egitea erabakitzen badu. Elkargoko hautetsiek otsaileko bilkuran erabaki zutela ekainaren 1ean sartuko zela indarrean emisio gutxiko eremua, Lapurdiko 27 hiri eta herritan.