Larunbatean bukatuko dira Udako Euskal Unibertsitateetan, baina ostiral honetan zinema izanen dute aipagai. « Zinema ipar euskal herrian, urrats bat aurrera ? » tituluarekin, hainbat mahain inguru, elgarrizketa eta film proiekzio zabalduak izanen dira Baionako Arteen aretoan. Parada ezin hobea, ipar euskal herriko zinemagintza zertan den jakiteko. Euskal zinemaren egoeraren ikerketa ereman du Graxi Hirigaraik.

Eusko Barterra. Kontzeptu biziki abstraktua da, mugaz gaindiko udako ikastaroetan, atzo arratsaldean (asteartea) Baionan aipagai nagusietarik bat zena. Moneta edo diru funts birtual bat litzateke, enpresa eta eragile ezberdinen artean martxan izanen litzatekeena, tokiko ekonomia garatzeko. Gaia hobeki ulertu nahian, Eusko Barterraren inguruan ikerketa burutu duen Xabi Larralde ekonomialariari eta Olatukoop-eko Beñat Irasuegiri galdegin diegu Barterra zer den esplika diezaguten :

Goiz berriko gomitak ziren Xabi Larralde eta Beñat Irasuegi, haiekin egin elkarrizketa entzungai izanen duzue euskal irratien webgunean.

Parcoursup-eko azken fasea bukatu da uztailaren 7an eta Frantziako erakaskuntza ministeritzak jakinarazi du oraino gazteak badirela lekurik gabe direnak. Gai huntaz baliatu gira jakiteko nola den egoera Baionako Etxepare lizeoan.  Terminaleko orientazioaz arduratu den Jaki Agerrekin solastatu gira

Euskal jatorriko 37 gazte estatubatuar Euskal Herria ezagutzen eta euskara ikasten ibili dira uda hastapenean zehar. Ateak Ireki egitasmoaren baitan, 16 eta 25 gazteek lehen aldiz edo berriz ere haien arbasoen herrialdea ezagutzeko aukera ukan dute, hiru astez Euskal Herri osoan ibili baitira.  Gavin Jean-Baptiste Iribarren, Kali Kester eta Sam Walker gazteekin mintzatu da Aimar Lopez, Estatu Batuetan euskaldun izateari eta Ateak Irekin bizi duten esperientziari buruz.

Iñaki Etxaniz eta Frederique Espagnac Frantziako diputatuek jakinarazi dute gutun bat igorri diotela laborantxako ministeritzari Irulegiko mahastiak Mildiou eritasunaz gune kaltetua ezagutua izan dadin. Ximun Bergouignan Irulegi sormarkako kidearekin, bizi duten egoera aipatuko dugu. 

Heldu den ostiralean, uztailaren 21ean, Ziburuko hiriak Lur & Itsaso afari bat antolatuko du, Idoki laborariekin eta Pleine Mer elkarteko arrantzaleekin partaidetzan. Paradaz baliatu da Ihintza Arrieta, Eneko Aldana Ziburuko auzapezarekin mintzatzeko eta bide batez Ziburun estrenatu berri den kiroldegiaz ere galdegin dio:

“Gure herria ez da karta postal bat” Arberoan, “laborantxako lurrak lanjerean” Kanboko Marienian, “Olano hemen ez da Monaco” Ahetze Larre Luzea etxean, “BAB luxe tour” Baiona, Angelu eta Miarritzen...Leku horietan, baita Saran ere bai, beren haserrea erakutsi izan nahi dute ehunka herritarrek, OSTIA sareak luzatu deialdiari erantzunez joan den larunbatean.  Arberoa eta Kanbotik pasa da Kriztof Arotzarena:

Nekane Artolak hartu berri du Euskal Herriko Ikastolen Elkarteko lehendakarigoa. 14 urte presidente izan den Koldo Tellituren segida hartuko du, baina postu hau, hurrengo urtean berretsi beharko dute Ikastolen Elkarteak. Eric Etxart xiberutarra izanen da lehendakariordea. Euskadiko Autonomian eztabaidatzen ari diren hezkuntza legea izan dugu solasgai ere. Jose Luis Aizpuruk mintzarazi du:

Bigarren saio polita eskeinia izan da aldi hontan ere. Donostiko hirukote baten parte hartzearekin, Irati, Ametz eta Xenki-k (Altzakoa) garaipena lortu zutena 35 pundurekin eta finaleko txartela lortzen dute momentuz. Hendaiako Aritza, Urruñako Urko eta Hondarribiako Aliren aurka jostatu dira, hauek 30 pundu egin dituzte. Oroitarazteko, pundu gehiena egin dutenak finalean izanen ditugu. Herri elkargoako turismo sailak eskeini 1500€ko saria izango da irabazleentzat eta 500€ bigarrenentzat.