5.200€ bildu ditu Arizmendi Ikastolak, Hiriburuko ikastolaren alde. “Herriak berotuko du AMETZA”, Ametza ikastolaren aldeko ekimena antolatua zuen. Gipuzkoako 5 ikastetxe biltzen ditu ikastola horrek. Elkartasunez, gaztain eta orri salmenta egin zuen joan den astean Arrasaten, Aretxabaletan eta Eskoriatzan. Iñaki Gonzalez Pagaldai, Arizmendi ikastolako irakaslea da. Elkartasun ekimena nola iragan den erran digu:

France 3 Euskal Herri telebista saioak 30 urte bete ditu aurten. Frantses telebista publikoak, eremuka saio berezi bat proposatzen du hexagono guzian eta 1992ko azaroan eman zuen ipar euskal herriari doakion lehena, 23an xuxen izaiteko, 6 minutako saio batekin. Geroztik anitz garatu da saioa, eta euskararen lekua ere aldatu da. Allande Boutin kazetaria da hastapenetik, eta gurekin dugu

Urte batez Garapen kontseiluak aztertu du etxebizitzaren bilakaera barnekaldean, diagnostiko baten egiteko. Eta berezikiago gazteek dituzten zailtasunen ikuspegi bat emateko. Joan den ostiralean etxebizitaren aktore asko bildu ziren Lekornen. Marga Forestier mintzatu da Paxkal Indo Garapen Kontseiluko presidentearekin: 

Arigune da Bidarteko Spot ostatu jatetxea. Estia eskolaren eta Izarbel teknopoloaren ondoan kokatzen da eta ikasle eta langile ainitz hurbiltzen da eguerditan bazkaltzera. Horregatik hurbildu gira bertara, hango jabearekin mintzatzera. Indar berezi bat egin du Thierry Cornuk gurekin euskaraz aritzeko:

Euskal herria Bai koalizio abertzaleak bere lehen kongresua egin du Baionan, 200 pertsonen parte hartzearekin eta zuzendaritza berri bat osatuz. Nicolas Blain izanen da idazkari nagusia eta Mathilde Hary bozeramailea. Estrategia politikoari dagokionez, koalizio abertzale, ekologista eta feministak… 2026ko herriko bozak izanen ditu jomugan… eta, estatus Politiko berri bat adosteko lan bat abiatuko du indar sindikal, sozial eta poliko ezberdinekin. Jose Luis Aizpuru:

Emazteen Kontrako bortizkeria salatzeko berriro ehundaka emazte atera dira karrikara aste hondar honetan euskal Herrian. Larunbatean… Baionako herriko etxetik atera ziren  manifestazioan  Planing Familiale, PAF edo Emazteek Diote elkarteek deiturik, besteak beste. Emazteen kontrako bortizkeria egunerokoa dela oihukatu zuten, eta molde ainitzetan gertatzen dela bortizkeria hau. Gizonen hezkietan dagoela gakoa azpimarratu zuten… eta ttipitatik landu beharrekoa dela Amandin eta Sandrak , manifestazioan parte hartu zuten

Igan urteko bedatsean egin zuan galtoa bertsularien lagunak alkarteak, ikerketa luze zonbait eraman ondotik. Eta igan astean jakin due baiezkoa. Ezagupen honek harremanik ez düen beste erakundeekin aritzea aisatuko du.
Erran behar da bertsolaritza hanitx garatu dela azken urtetan. Bataz bestekoan 120 bat bertso saio antolatzen dutue urte oroz. Eta aurten 250 ikasle badira bertso eskolan. Ainoa Elizondo Bertsolarien lagunak alkarteko langilea :

Azaroaren 25a emazteek jasaiten dituzten bortizkerien kontrako nazioarteko eguna da. Ekitaldi anitz antolatuak dira Ipar Euskal Herrian gaindi bortizkeri horiek argitan ezartzeko eta salatzeko. Goiz Berrin Amaia Bidart medikuak bere lekukotasuna ekarri dauku:

Bidarteko HUPI enpresa adimen artifizialean berezitua da. Horri esker, hainbat enpresa laguntzen ditu eguneroko antolaketa, produkzio edo garraioan, iparraldean eta hegoaldean. HUPI enpresa, euskararen alde engaiatua da. Badu hainbat urten bere langileei AEK kurtsoak proposatzen dizkiela astean behin. Eta aurten, Euskaraldiaren karietara, ARIGUNE bezala engaiatu da. Marga Forestier mintzatu da Kattin Dassance bertako langile batekin: