Elkarretaratzeko hitzordua Miarritzeko turismo bulegoan sinbolikoki eman zuen Anti-Canon français kolektiboak. Pasa den astean, Serge Blanco auzapezarekin bildu ziren, azaroaren 28an Canon Français-ren bazkaria ezeztatzea eskatzeko. Orduan, auzapezak erran zien ezin zuela gibelera egin, Turismo Bulegoak bere gain hartu baitzuen ekimenaren ardura, baita ekitaldirako sarreren salmenta ere. 130 bat pertsona elkartu dira ekimenaren aurka.

Serge Blanco auzapezak kontseiluan hitza hartzeko aukera izanen zutela ere erran zien Anti-Canon Français kolektiboko kideei, baina azkenean ez diete mintzatzeko paradarik eman. Kolektiboak onartezintzat jo du erabakia, eta ulertezina dela salatu du.

Eskuineko muturraren aurka Herri Harresia osatzera deitu dute azaroaren 28an Miarritzen, Canon Français-ren bazkariaren kontra. Mobilizazio herrikoia prestatzeko, bilkura publikoa eginen dute gaur(asteartea),19:00etan, Baionako Lan Burtsan.