Larunbatean baliatu ziren Ikastolen kontseiluan, seaskako ikastola kolegio eta lizeoko ordezkariak biltzen diren urteko bilkuraz proiektuaren aurkezteko. Donapaleuko VVF opor herriaren gunean, proiektu orokor baten sortzeko asmoa du Donapaleuko Herriko Etxeak, eta proiektu horretan sartzen da Seaskaren bigarren lizeoa, 6 000 m² baliatuko dituena.

 

Gauche arkitekto kabinetekoak arduratu ziren interesa pizten zuen planoaren aurkezteko. Ospitaletik Aiziritzeko bidean kokatua izanen da, bi eraikuntzaz osaturik, ikasgela alde batean eta bestean barnetegia 80 oherekin, baita jangela bat ere. Azken hau Amikuzeko lurraldeak ondoko lurretan eraikiko duen aisialdi guneko haurrek baliatuko dute ere.

Bi urteko gogoeta lana eramana izan da. Lizeoan, xedea dute talde pedagogikoaren osatzea zuzendari berriarekin. Lanen aldetik ere gauzak aitzinatzen ari dira, nahiz eta momentuz eskualdearen finantzaketa segururik izan gabe, diru bilketa kanpainak abiatuko dituzte.

 

Epeer dagokienez, 2027ko irailean egin beharko dute sartzea Donapaleuko Seaskaren lizeo berriko ikasleek. Hori dela era, 2029an lehen ikasleek baxoa pasatuko dute eta bazterrak euskaraz inarrosiko.