Frank-Walter Steinmeier Alemaniako presidentea Gernikan izan da Espainiako Felipe Borboikoa erregearekin batera. Steinmeierrek duela 88 urte izandako bonbardaketen biktimei omenaldia egin die, eta barkamen keinua egin du, lore sorta bat eskainiz, eta diosala eginez. Felipe Borboikoa Espainiako erregea zutik gelditu da, eta ez du neholako barkamen jesturik egin, Espainiako estatuak ukan zuen arduragatik Gernikako bonbardaketan.

Protestak ere izan dira. EH Bilduk ez du ekitaldian parte hartu, erregea «ongi etorria ez» dela argudiatuta. EAJk ere erregeari egin dio interpelazioa: Aitor Estebanek salatu du Borboikoak ez duela erantzukizunik hartu eta Steinmeierren keinuaren parekoa egitea eskatu dio.

GKS eta bestelako mugimenduek «zuriketa» eta «diplomazia ariketa» gisa definitu dute ekitaldia, Espainiako monarkiaren eta nazioarteko aliantzen hipokrisia salatuz. Bitartean, PSEk, Hego euskal herriko alderdi sozialistak, Madrilek ez duela barkamenik eskatu behar eta eztabaida «oportunista» dela defendatu du.