Aurkezpen ederrenaren saria eskuratu zuen iaz Amélie Etxepare laborariak. Aurten aldiz, bai xingar onenarena. Lehen aldiko jaso du txapela eta biziki harritua eta pozik agertu zen.

25 xingar lehiatu ziren Ipar Euskal Herriko gune ezberdinetatik : Ezpeleta, Itsasu, Mehaine, Hazparne edo Urruña. Denak etxean eginak, gehienak familian, aspaldiko ohidura bati segituz. Ostegun goizean epaileak, xingarrak barnetik usaintzen ibili dira, zaldi hezur bati esker, xingarra moztu gabe.

Amélie Etxepareren hamalau kilo eta hiruehun gramoko xingarra izan da onena epaileen arabera. Bigarren lekuan bi gizon, emaitza berarekin Thomas Latour Baionarra eta Pascal Membrède Tarnosekoa. Hirugarren lekuan Daniel Tailleur biarnesa.