Euskararen egoera ezagutzeko, bost urtetan behin egiten da inkesta soziolinguistikoa Euskal Herri osoan. Ipar Euskal Herrian, Euskal Erakunde Publikoak eramaten du berriro inkesta aurten. 2000 pertsona deitzen dituzte 05 19 09 01 64 telefono zenbakiaren bidez eta 20 minutuko galdeketa bat egiten diete haien hizkuntzen eta batez ere euskararen erabilerari buruz. Baiona-Biarritze-Angelu eremuan 750 pertsona, Lapurdiko gainontzeko eremuan ber kopurua, eta Baxenafarroa eta Xiberoan 500 pertsona elkarrizketatzen dituzte, adin guztietakoak. Euskarari begira, biztanleen gaitasuna eta erabilpena neurtzen dute.

Ondotik, Euskal Herri osoko datuekin lotzen da, eta inkestaren datuak urte bat berantago ateratzen dira. Uztailaren 3an bukatu behar lukete inkesta.

Amande Anin Euskararen Erakunde Publikoko teknikariak eman dizkigu xehetasunak.