Azkaineko ikastolak ikasturte hastapenean lekuz aldatuko du bere egoitza. Hamazazpi urte prefabrikatuetan iragan ondotik, heldu den irailean eskola publikoko egungo eraikinetan sartuko dira ikasleak. Bien bitartean, eskola publikoa eraiki berri den eraikinera lekuz aldatuko da, eta ikastolak hartuko dituen eraikinetan ere berritze obrak eginen dituzte ikasturte hasiera aitzin.

Hamar urte baino gehiago iraun duen proiektuaren emaitza da aldaketa. Orain arte, ikastola eta prefabrikatuak bereizirik ziren, eta egoera horrek eguneroko antolaketa zailtzen zuen. Egoitza berriarekin, aldiz, dena leku berean bilduko dute, gela zabalagoak, leku gehiago eta baldintza hobeak eskainiz ikasle eta irakasleei.