Iazkoaren ildotik sasoi hastapen ona egiten ari da Baiona Top14 txapelketan. Sailkapenean bigarren lekuan da Paueren gibeletik. Baina larunbat arratsean partida gogorra ukanen du Bordeleko Matmut zelaian. Bordele-Bègleseri lehiatuko zaio, hau delarik Europako txapelduna eta Frantziako txapeldunordea. Zauritu anitz baditu Aviron taldeak, horregatik Fabien Galthié Frantziako taldeko hautatzaileak heldu den asterako deitu dituen 5 baionarretarik hiruk partida hasi behar lukete Bordelen. Hauek dira Esteban Capilla, Alexandre Fischer et Cheikh Tiberghien. Haatik Joris Segonds zabaltzailea ez da ariko eta Emerick Setiano harroina ordezkoen aulkian izanen da. Larunbat gaueko 9 orenetan jokatuko dute partida Bordele-Bègles eta Baionako taldeek.