Larunbata
2025eko irailaren 6a
AKTUALITATE GAIAK
AKTUALITATE GAIAK
Esku huskan, Ipar Euskal Herriko txapelketa eraman du Sarako Izarrako Betti Gurrutxagak, Lau Herriko Nicolas Dufauren aurka. Florian Mendiburu amikuztarra bigarren mailan eta Ibai Etxeberri-Bortheiri oztibartarra artekoetan izan dira garaile atzo.
26 urterekin lehen txapela jantzi du Sarako elkartean ari den Betti Gurrutxaga luhusoarrak lehen mailan. 40 eta 26 nagusitu zaio Nicolas Dufau arbonarrari. Bigarren mailan, Florian Mendiburu amikuztarrak irabazi du finala 40 eta 28 Estebe Paraxu itsasuarraren kontra. Eta artekoetan, Ibai Etxeberri-Bortheiri oztibartarrak gaina hartu dio Baigorriko Eneko Ibarrolari 40 eta 19. Donibane Garaziko Garateneak gerizatu ditu finalak.
