Euskotren liga igandea hasiko da Madrileko uretan

Maider Bereau senpertarra lehiatuko da berriz Donostiako Arraun Lagunak taldearekin. Euskotren liga eta Kontxa irabazi dituzte azken hiru urte hauetan. Faboritoak dira aurten ere eta Tolosaldea izan behar liteke lehiakide nagusia. Preseski Orio utzirik, Tolosaldearekin lehiatzen ari da Ainhoa Etxenike beste senpertarra. Maider eta Ainhoa dira Lapurdiko ordezkariak goi mailan aurten jakinez ETE liga edo bigarren mailan ez dela lapurtarrik kausitzen.

Bere aldetik, patroi berria du Arraun Lagunak elkarteak, Joana Halsouet urruñarrak kargu hori utzi baitzuen. Hori izan dela aldaketa nagusia erran digu Maider Bereauk. Aitzin, Euskadiko eta Espainiako txapelketak eraman berri badituzte ere, konfiantza gehiegikeriarik ez dela ukan behar azpimarratu du Maider Bereauk.

Tolosaldea elkartearen koloreen defendatzeko lehiatuko da Ainhoa Etxenike. Arraun Lagunak elkartea faborito izanik ere, borrokarako prest direla dio Ainhoa Etxenikek.

Egutegia

Emazteak

Euskotren liga abiatuko da:

• Igandean, Madril aldeko Buitrago del Lozayan

ETE liga:

• Larunbatean, Elantxobeko bandera

Gizonak

Eusko Label liga edo goi mailako liga ere abiatuko da:

• Igandean, Madril aldeko Buitrago del Lozayan

KAE 1 maila edo bigarren mailan:

• Plentziako bandera jokatuko du Lapurdiko LAT taldeak