Astelehena
2025eko irailaren 1a
AKTUALITATE GAIAK
AKTUALITATE GAIAK
Estaing aintziran euskal hazle baten kabalak hilik atzeman dituzte. Estebe Ouret hazleak ez du dudarik: "Hartza izan da", alta, administrazio frantsesak kasua baztertu du.
.gif)
Ekainaz geroztik kabalak Pirinio Garairat igorri ditu Estebe Ouret laborariak, alta, lekuz aldatu behar izan ditu hartzaren erasoengatik. Hala ere, bortz behor eta zaldi-ume bat kaliturik atzeman ditu; ez du neholako dudarik hartza izan dela egilea.
Hartza bizi den bortuetarat kabalen igortzeko laborariek diru-laguntzak eskuratzen dituzte, baina soilik ardi eta behien kasuan. Zaldien kasuan ez dute neholako sustengu ekonomikorik, hots.
Hori du galdatzen Estebe Ouret laborari kaltetuak: administrazioak kontutan har ditzan hartzaren erasoak, behar den laguntzaren eskuratzeko ordainetan.
Alta, orainokoan, kasua baztertu dute, "froga eskasagatik".
