Frantzia mailan, CGT, FSU eta Solidaires sindikatuek greba deialdia egin dute gaurko "justizia soziala irabazteko", baita diru-murrizketei aurre egiteko eta ingurumena defenditzeko. Horrendako gazteak, langileak, erretretadunak eta langabezian direnak elkartzera deitzen dituzte.

Sindikatuek gobernuaren finantza-legeak atakatzen dituen eragile eta pertsona guztiak elkartzera gomitatzen dituzte. Baionan, hitzordua 10:30ean eman dute merkatu estaliaren aitzinean. Ospitale eta zahar-etxeen aurrekontu mozketak, erien kargak handitzea, funtzio publikoko postu eta soldaten izozketa, eta erretiroen azpi-indexazioa salatu nahi dituzte.

Batez ere sektore publikoko langileak deituak dira grebara: garraioetako, hezkuntza sektoreko, ospitaleetako eta administrazioetako langileak. Ondorioz, grebak nahasmenduak eragin ditzake garraioetan, eskoletan, ospitalean eta administrazioetan.